1. Skipuleggja
Draumajólin, markmiðin og fjárhagsáætlunin. Mánaðardagatöl fyrir jólaböll, tónleika og boð.
Afburðaskipulag · Jólin 2026
Jólin þín, í ró og gleði
Fallegt, prentvænt jólaskipulag sem leiðir þig alla leið að aðfangadagskvöldi. Íslenskar hefðir, tómar síður fyrir þína eigin lista og nóg pláss fyrir það sem skiptir þig mestu máli.
Þrjár útgáfur, ein fyrir hvers konar jól.
A4 · prentvænt · PDF strax eftir kaup · eftir Agnesi Hólm
Kannastu við svona desember?
Listinn sem lengist. Gjafirnar sem gleymast. Smákökurnar sem áttu að vera sjö sortir og jólaballið sem lendir á sama kvöldi og tónleikarnir.
Og allt í einu er komin Þorláksmessa.
Jólaskipulagið tekur ringulreiðina úr höfðinu og setur hana á blað,
svo þú getir notið aðventunnar í stað þess að hlaupa í gegnum hana.
Og við tökum frí frá skjánum í leiðinni.
Skipuleggja. Undirbúa. Njóta.
Þrjú skref, eitt í einu.
2. Undirbúa
Vikuyfirlit, gjafalistar, jólamaturinn, smákökuplanið og innkaupalistar. Lítil verkefni á hverjum degi í stað þess að allt lendi á síðustu vikunni.
3. Njóta
Aðfangadagurinn á blaði, minningar ársins, föndur og spil. Og að minnsta kosti einn dagur á aðventunni án nokkurra verkefna.
Seint af stað? Það er aldrei of seint að eiga góð jól. Hvert skipulag byrjar á síðunni Byrjaðu hér sem sýnir þér hraðleiðina, hvað skiptir mestu máli og hvað má bíða.
Veldu þín jól
Hvað hentar þér í ár?
Fjölskyldujólin okkar
3.990 kr.
106 síður
Fyrir alla fjölskylduna · 105 síður
- Tvær tegundir hönnunar: Hlýju jólin og Klassísku jólin
- Mánaðar-, viku- og dagsíður
- Gjafir, jólamatur, smákökur og innkaup
- Íslenskar hefðir og okkar hefðir
- Föndur, merkimiðar og spil
Jólasveinarnir koma!
3.490 kr.
72 síður
Fyrir fjölskyldur með lítil börn · 72 síður
- Jólasveinarnir þrettán, Grýla, Leppalúði og jólakötturinn
- Skóplan og hjálp fyrir jólasveina.
- Bréf frá jólasveinunum
- Uppskriftir fyrir litla bakara
- Spil, bingó og niðurtalning
Jólin mín í ró
2.990 kr.
69 síður
Fyrir þig, í friði og ró · 69 síður
- Fyrir þau sem halda jólin ein, í friði og ró.
- Dekurdagatal og jólalisti fyrir þig
- Fólkið mitt, kveðjur og góðverk
- Síða fyrir krefjandi dagana
- Bréf til mín
Eða veldu pakka og sparaðu
Fjölskyldupakkinn
5.990 kr.
þú sparar 1.490 kr.
Fjölskyldujólin okkar + Jólasveinarnir koma!
Fullorðna skipulagið og barnagleðin saman.
Þú sparar 1.490 kr.
Öll jólin
7.990 kr.
þú sparar 2.480 kr.
Öll þrjú skipulögin
Fyrir þig og fjölskylduna.
Þú sparar 2.480 kr.
Sýnishorn
Nokkrar af 240 skipulagssíðum.
Gert fyrir íslensk jól
Flestar jólaskipulagsbækur eru á erlendu tungumáli og með erlendum hefðum. Þetta er það ekki. Hér eru jólasveinarnir okkar þrettán, skórinn í glugganum, laufabrauðið og jólabókaflóðið, ekki þakkargjörðarhátíð og sokkar á arinhillunni.
Dagsetningarnar passa við íslenska desember, frá fyrsta sunnudegi í aðventu til þrettándans.
- Jólasveinarnir og dagsetningar þeirra
- Laufabrauðsdagurinn
- Aðventukransinn og kertin fjögur
- Smákökusortirnar: sörur, hálfmánar, vanilluhringir
- Hangikjöt með uppstúf og grænum baunum
- Malt og appelsín
- Jólabókaflóðið
- Þorláksmessa og skatan
- Möndlugjöfin
Spurt og svarað
Hvernig fæ ég skipulagið?
Strax eftir kaup færðu tölvupóst með aðgangi þar sem þú hleður niður PDF skjalinu. Þú prentar heima eða í næstu prentþjónustu.
Hver er munurinn á útgáfunum?
Fjölskyldujólin okkar er heildarskipulag fyrir heimilið. Jólasveinarnir koma! er fyrir heimili með lítil börn sem setja skóinn út í glugga. Jólin mín í ró er fyrir þau sem halda jóliahátíðna að mestu í einrúmi, eða vilja leggja áherslu á sjálfsmildi og umhyggju þetta árið. Margar fjölskyldur taka Fjölskyldupakkann og fá bæði fullorðna skipulagið og jólasveinana.
Hvernig prenta ég?
Allar síður eru A4 á hvítum grunni og prentast vel á venjulegum heimilisprentara. Þú getur prentað allt skipulagið eða bara þær síður sem þú þarft.
Get ég notað það aftur næstu jól?
Já. Í hverju skipulagi eru tómar síður sem þú getur prentað aftur og aftur fyrir þitt heimili, og fyllt út með þínum eigin listum og markmiðum.
Get ég notað það í spjaldtölvu?
Skipulagið er fyrst og fremst hannað til að prenta, en PDF skjalið má líka opna í glósuforritum eins og GoodNotes eða Notability og skrifa í það með penna.
Er of seint að byrja í desember?
Alls ekki. Síðan Byrjaðu hér sýnir þér hraðleiðina: hvað skiptir mestu máli núna og hvað má bíða eða sleppa.
Má ég deila skjalinu með vinum?
Skipulagið er fyrir þitt heimili. Ef vinkona heillast, sendu henni frekar hlekkinn hingað. Hver sala gerir mér kleift að halda áfram að skapa fallegt skipulag.
Hæ, ég er Agnes
Skipulag sem andar með þér
Ég heiti Agnes Hólm og bý til Afburðaskipulag, skipulag sem fylgir árstíðunum og lífinu eins og það er. Jólin eru uppáhaldstíminn minn, en ég veit líka hvað desember getur orðið þéttur og í ótal mörg horn að líta.
Þess vegna bjó ég til jólaskipulagið sem hentar mér og ég nota sjálf: fallegt, íslenskt og nógu sveigjanlegt fyrir allt sem fylgir aðventunni og undirbúningi hennar ❤️🎄
Með hlýrri jólakveðju,
Agnes Hólm
Lítil jólagjöf til þín
Aðventan á einni síðu
Allur desember á einu blaði, jólasveinarnir merktir á sínum dögum og merkimiðar á pakkana í kaupbæti. Algjörlega ókeypis, þú prentar bara heima.
Jólin byrja á blaði
Gefðu þér jól þar sem þú nýtur, í stað þess að hlaupa.